बारावी फेल - चित्रपट नोंद

 काल 12थ फेल बघून आले. फार आवडला चित्रपट. रिअल लाईफ स्टोरी आहे अन ती तितकीच इमान ठेवून सादर केली आहे.

आय पी एस मनोजकुमार शर्मा यांच्या बारावी नापास ते आय पी एस हा प्रवास खरतर समाज, परिस्थितीशी झगडणं उलगडलं आहे यात. विक्रांत मेस्सी याने अप्रतिम उभा केलाय मनोजकुमार शर्मा. बाकी सर्व कलाकारांचेही उत्तम काम. विनोद चोप्रा यांनी अगदी न्याय दिला आहे विषयाला. चंबळ, तिथली अजून टिकून असलेली मनोवृत्ती, एखादा सत्यप्रिय बाप अन तसाच एखादा अधिकारी कसं एखाद्याचे आयुष्य घडवू शकतो, फार छान मांडलय.
अगदी चुकवू नये असा चित्रपट. मुलांसह जरूर बघा. सेफ तर आहेच आणि इन्स्पायरिंग आहे.