आवडती जुनी हिंदी गाणी: ४. बेईमान तोरे नैनवा

  

तराना चित्रपटातलं हे गोड, रोमँटिक गाणं. 1951 चा हा चित्रपट. दिलिप कुमार, मधुबाला यांचा हा पहिला चित्रपट. याच काळात दोघांचे जीव एकमेकांत गुंतले. 

दिग्दर्शक होते राम दरयानी

गीतकार डि. एन. मधोक

संगीत आहे अनिल विश्वास यांचं. फार गोड गाणी दिलीत त्यांनी. 1932 ते 65 एव्हढा मोठ्या काळात त्यांनी सत्तर हून अधिक चित्रपटांमधून अनेक बहारदार गाणी दिली. हिंदुस्तानी शास्त्रीय संगीत, बाऊल संगीत आणि भटियाली संगीतांचा त्यांचा गाढा अभ्यास होता.

गाण्याआधीचा प्रेमळ, खट्याळ, लाडिक संवादही 💗

त्याकाळातला हातभर लांब राहून केला जाणाऱ्या रोमान्सवर हा रोमान्स फारच गहिरा झालाय. ती आपली म्हणतेय की डोळे मिटून घे. पण इतकं स्वर्गीय सौंदर्य समोर असताना कसे बरं त्याचे "नैन मुंद ले" तील? मग त्या लोभस बेईमानबद्दलही प्रेम दाटून येतं, तिचंच नाही तर आपलंही😉

साधी सुकलेल्या गवताची पातीही झळाळतात त्या प्रेमात, नाहून निघतात...

चित्रिकरणात प्रकाश सावलीचा इतका सुंदर वापर केलाय... "आधे सोये आधे जागे" असे एक स्वप्नातलं जग आपल्याही मनात एक "भरम" निर्माण केल्याशिवाय रहात नाही. .